Baboubi - بابوبي app for iPhone and iPad

Baboubi :le 1er journal électronique satirique Marocain, ayant un contenu satire , humour, varié et sans tabous avec caricature et dessin de presse.
Principale source dinformation du Maroc et de linternational. journal satirique et humour Maroc : بابوبي جريدة الكترونية ساخرة بالمعقول، غتشوفونا كل نهار وكل ساعة وغتبعو معنا الخبر بطريقة ساخرة.

بابوبي فالويب كترفع شعار السخرية بالمعقول، يعني كل المواضيع من السياسة حتى للاقتصاد والفن والرياضة والثقافة واخة تكون معقولة، بالرسم الصحفي بالكاريكاتير وبالمقالة الساخرة، حنا غنتريكلو عليها وغادي نسخرو منها، ومن أي حاجة ممكن تبان ليكم جدية ومعقولة، حيت خط التحرير ديالنا هو النقد والسخرية والغاية ديالنا هي مغرب متسامح مختلف وفيه بزاف ديال الأصوات اللي ميمكنشي نهمشوها، خط التحرير ديالنا أيضا هو الضحك، نضحكو على المواضيع كاملة ونضحكو حتى على راسنا، ربما نقدرو نتعلمو كاملين كيفاش السخرية ممكن تكون رد على بزاف ديال التخربيق اللي غادي فهاد البلاد بلا حسيب بلا رقيب..

بابوبي فالويب ماشي غير رسومات وكاريكاتيرات أو خبيرات ولا سكوبات ، بابوبي فالويب فيديوهات بودكاستر ميكرو طروطوار، وبزاف ديال المواد بالصورة والفيديو وحنا عوالين على التفاعل ديالكم والانتقادات ديالكم حتى هي، واذا ضحكتو علينا غتكونو فهمتو اشنو هي بابوبي.

بابوبي مجموعة من الرسامين الصحفيين والصحفيين اللي ماشي رسامين، اتفقو باش يغيرو شوية فهاد الضومين اللي بدا يموت بسبب قلة الإبداع، هاد الصحفيين والرسامين عوالين عليكم، كونو معاهم وتبعو المسيرة، الكاريكاتير هو المرآة ديال هاد المجتمع اللي كلشي كيتخبا منها.